Toshkentning ayrim hududlarida gaz taʼminoti to‘xtatildi

Toshkent shahrining ikki tumani ayrim hududlarida 21-fevral kuni vaqtincha gaz taʼminoti vaqtincha to‘xtatildi. Bu haqda “Hududgaz Poytaxt” gaz taʼminoti filiali matbuot xizmati xabar berdi. 

Xabarga ko‘ra, Mirzo Ulug‘bek tumani “Mevazor” MFY hududidan o‘tgan yerosti D-114 mmli yuqori bosim gaz quvurida gaz sizib chiqishi aniqlangan va holatini bartaraf etish ishlari rejalashtirilgan. Shu tufayli 21-fevral kuni soat 10:00 dan 17:00 ga qadar tumanning quyidagi isteʼmolchilarida tabiiy gaz taʼminoti vaqtinchalik to‘xtatiladi.

Aholi isteʼmolchilari:

• “Mevazor” MFYdagi 122 ta uy xo‘jaliklarida;
• Geologlar ko‘chasidagi 149 ta uy xo‘jaliklarida;
• Gulzor ko‘chasidagi 150 ta uy xo‘jaliklarida;
• Tong ko‘chasidagi 148 ta uy xo‘jaliklarida;
• Uzumzor ko‘chasidagi 151 ta uy xo‘jaliklarida;
• Ming o‘rik ko‘chasidagi 139 ta uy xo‘jaliklarida;
• Olmazor ko‘chasidagi 158 ta uy xo‘jaliklarida.

Ulgurji isteʼmolchilar:

• “Mevazor” MFYdagi 3 ta;
• Geologlar ko‘chasidagi 3 ta;
• Gulzor ko‘chasidagi 3 ta;
• Tong ko‘chasidagi 2 ta;
• Uzumzor ko‘chasidagi 1 ta;
• Ming o‘rik ko‘chasidagi 4 ta;
• Olmazor ko‘chasidagi 7 ta.

Shuningdek, Chilonzor tumani “Lutfiy” MFY, Lutfiy ko‘chasi 93—94-uylar oralig‘idagi yerosti D-108 mmli o‘rta bosimli gaz quvurida gaz sizib chiqishi aniqlangan hamda holatini bartaraf etish ishlari rejalashtirilgan. Shu tufayli 21-fevral kuni soat 11:00 dan 18:00 ga qadar tumanining quyidagi isteʼmolchilarida tabiiy gaz taʼminoti vaqtinchalik to‘xtatiladi.

Aholi isteʼmolchilari:

• “Lutfiy” MFYdagi 378 ta uy xo‘jaliklarida hamda 2 ta ko‘p qavatli uylardagi jami 98 ta aholi xonadonlarida;
• “1-Qatortol” MFYdagi 356 ta uy xo‘jaliklarida va 2 ta ko‘p qavatli uylardagi jami 128 ta aholi xonadonlarida;
• “Nafosat”, “Diyor” MFYlardagi 58 ta ko‘p qavatli uylardagi jami 2 298 ta aholi xonadonlarida;
• “Qatortol” va “Cho‘pon ota” MFYlardagi 48 ta ko‘p qavatli uylardagi 1 896 ta aholi xonadonlardida;
• “Bog‘zor”, “Oqtepa” MFYlardagi 64 ta ko‘p qavatli uylardagi 2 682 ta aholi xonadonlarida.

Qayd etilishicha, taʼmirlash ishlari yakunlangach tabiiy gaz taʼminoti qayta tiklanadi.