Toshkent metropolitenining “Paxtakor” bekatida 20-fevral kuni yigit o‘zini poyezd tagiga tashlamoqchi bo‘ldi. IIV Transport va turizm obyektlarida xavfsizlikni ta’minlash departamenti holat yuzasidan ma’lumot berdi.
Qayd etilishicha, 1997-yilda tug‘ilgan D.O. “Paxtakor” bekatida o‘z joniga qasd qilish maqsadida o‘zini elektropoyezd yo‘liga tashlamoqchi bo‘lgan. Ushbu holatda XTB Saf bo‘linmalari ikkinchi batalyon xodimi A.Dalaboyev yigitni ushlab qolgan.
Shuningdek, surishtiruv ishlari davomida fuqaro D.O. 2016-yildan buyon ruhiy-asab kasalliklari dispanserida shizofreniya tashxisi bilan ro‘yxatda turishi ma’lum bo‘lib, onasi F.A voqea joyiga chaqirtirilgan. Shundan so‘ng fuqaro D.O. onasiga sog‘-salomat holda topshirilgan.
Izoh (0)