Atom energiyasi bo‘yicha xalqaro agentlik (MAGATE) inspektorlari Eronda uranni boyitish darajasi 84 foizga yetganini aniqladi, bu yadroviy qurol yaratish uchun zarur bo‘lgan darajadan atigi 6 foiz past, deb xabar bermoqda Bloomberg.
MAGATE xodimlari eronlik mutaxassislar qanday qilib 84 foiz soflikda boyitilgan uranni to‘plaganini tekshirmoqda.
Inspektorlar Eron ushbu materialni ataylab ishlab chiqarganmi yoki u konsentratsiya izotoplarni ajratish uchun ishlatiladigan sentrifugalarda beixtiyor to‘planganmi, buni aniqlash ustida ishlamoqda.
Avval Eron hukumati atom zavodida uranni 60 foizgacha boyitayotganini ta’kidlagan. 2015-yilgi xalqaro yadroviy kelishuv shartlariga ko‘ra, Eron uranni 3,67 foizdan ortiq boyitish huquqiga ega emas. Yadro qurolini ishlab chiqarish uchun uranni 90 foizgacha boyitish zarur.
Eron bilan yadroviy kelishuvning izdan chiqishi
Xalqaro yadroviy bitim bir necha yil oldin AQSH (o‘sha paytda prezident Donald Tramp bo‘lgan) undan bir tomonlama chiqib ketganidan keyin o‘z faoliyatini to‘xtatdi. O‘shandan beri ushbu kelishuvni saqlab qolish uchun urinishlar bo‘lgan, ammo ular hech biri natija bermadi.
Yaqinda Eronda e’lon qilinmagan uchta joyda uran izlari topildi. Shu munosabat bilan, MAGATE Boshqaruvchilar kengashi 17-noyabr kuni AQSH va “yevrouchlik”ning Yadro qurolini tarqatmaslik to‘g‘risidagi kelishuv bo‘yicha majburiyatlarni bajarishga chaqiruvchi rezolyutsiyasini qabul qildi.
Bundan tashqari, MAGATE Erondan e’lon qilinmagan obyektlarda topilgan yadroviy materiallarning kelib chiqishini zudlik bilan tushuntirishni, hujjatlarni taqdim etishni va ularga kirishni talab qildi. Tehronning Fordodagi zavodda uranni 60 foizgacha boyitish qarori ushbu rezolyutsiyaga javoban qabul qilingani aytilmoqda.
Izoh (0)