Qashqadaryo viloyati Qarshi shahrida 20-fevral kuni portlash xavfi yuqori bo‘lgan gaz ballonlar zararsizlantirildi. Bu haqda viloyat Favqulodda vaziyatlar boshqarmasi axborot xizmati xabar berdi.
Xabarga ko‘ra, Qarshi shahridagi Markaziy oziq-ovqat bozori avtomobillar turargohida qurilish materiallari ortilgan “Zil” rusumli yuk mashinasi ehtiyotkorsizlik oqibatida yuk ortilgan qismi (borti) ag‘darilgan. Natijada ushbu yuk mashinaning gaz ballonlariga shikast yetkazgan va undan gaz sizib chiqa boshlagan.
Voqea joyiga zudlikda yong‘in-qutqaruv bo‘linmasi yetib borib, qutqaruvchilar tomonidan ma’lum muddat navbatchilik tashkil qilingan. Qutqaruv xizmati mutaxassislari tomonidan portlash xavfi yuqori bo‘lgan gaz ballonlari zararsizlantirildi.
Izoh (0)