Amerikalik aktyor Richard Gir oilasi bilan Meksikaga dam olish uchun borganida kasalxonaga yotqizildi. Shifokorlar unga pnevmoniyaga qarshi kurashda birinchi yordam ko‘rsatdi, deb xabar bermoqda “Film.ru” nashri.
.jpg)
Ma’lumotlarga ko‘ra, Gir Meksikada rafiqasi Aleksandraning tug‘ilgan kunini nishonlagan va juftlikning farzandlari ham o‘sha yerda bo‘lgan. Safar oldidan Girning pnevmoniyaga chalingani aniqlangan va u dam olish uchun Meksikaga yetib borganida qattiq yo‘tala boshlagan.
Aktyor kasalxonaga yotqizilganidan bir kun o‘tgach, u yerdan chiqqan. Girning rafiqasi Instagram’dagi sahifasi orqali oila a’zolari uch haftadan beri tinmay kasal bo‘lib kelayotganini aytgan.
Ma’lumot uchun, Richard Gir 1949-yilda AQSHda tug‘ilgan. Gir 1967-yilda Shimoliy Sirakuzadagi maktabni tamomlagandan so‘ng gimnastika va falsafa bilan shug‘ullangan. Richard Gir kino olamdagi faoliyati davomida “Ofitser va jentlemen”, “Men u yerda emasman”, “Xatiko: Eng sodiq do‘st” , “Chikago” kabi mashhur filmlarda suratga tushgan. Aktyor “Oltin globus”, “Emmi” va kino sohasidagi boshqa nufuzli mukofotlarni qo‘lga kiritgan.
Izoh (0)