Toshkent shahri Olmazor tumanida 16-fevral kuni 5 ta mashina ishtirokida yo‘l-transport hodisasi sodir bo‘ldi. Bu haqda poytaxt Yo‘l harakati xavfsizligi boshqarmasi xabar berdi.
Qayd etilishicha, soat 13:30 da Talabalar ko‘chasida:
- 1999-yilda tug‘ilgan A.A. boshqaruvidagi Spark;
- 1955-yilda tug‘ilgan R.J. boshqaruvidagi Lacetti;
- 1992-yilda tug‘ilgan A.Z. boshqaruvidagi Damas;
- 1997-yilda tug‘ilgan I.J. boshqaruvidagi Lacetti;
- 1955-yilda tug‘ilgan A.R. boshqaruvidagi Cobalt ishtirokida yo‘l-transport hodisasi sodir bo‘lgan.
Yo‘l-transport hodisasi oqibatida tan jarohat olganlar yo‘q. Holat yuzasidan Toshkent shahri Yo‘l harakati xavfsizligi boshqarmasi mas’ul xodimlari tomonidan surishtiruv harakatlari olib borilmoqda.