Ba‘zida aktyorlar filmlarning davomiy qismida rol o'ynashdan bosh tortishadi. Ular ba’zan film yoki serialni suratga olishning o‘rtasida tashlab ham ketadi. Bunga ko‘p sabablar bo‘lishi mumkin: rejissorlar bilan kelishmovchiliklar, shaxsiy sharoitlar, bandlik. Loyihalarni tark etish arafasida bo‘lgan, lekin boshlangan ishini yakunlashga qaror qilgan bir nechta mashhurlar bilan tanishing.
Dueyn Jonson, “Rempeyj”
Aktyor film oxirida uning qahramoni vafot etishini bilganida allaqachon ssenariyni o‘rganishni boshlagan edi. Odatda qarshilik qilmaydigan Dueyn bu safar so‘zida qat'iy edi: agar yozuvchilar oxirini o‘zgartirmasa, filmda rol o‘ynashdan bosh tortadi. Natijada uzoq davom etgan muzokaralardan so‘ng aktyor va kino ijodkorlari murosaga kelishadi.
Makoley Kalkin, “Uyda yolg‘iz”
Makoley “Uyda yolg‘iz” franshizasining uchinchi qismida rol o‘ynamagan. Aktyor qahramonidan yuqorilab ketganini his qilgani uchun roldan voz kechadi. Ammo Kalkin Yangi yil komediyasining ikkinchi qismida ham o‘ynamasligi mumkinligini ko‘pchilik bilmaydi. Chunki aktyorning otasi suratga olish jarayonini sabotaj qilish bilan tahdid qiladi. U o‘g‘li studiyaning boshqa filmlarida ham bosh rolni o‘ynashini xohlaydi.
Benedikt Kamberbatch, “Sherlok”
Serial ijodkorlari va ssenariy yozuvchilardan biri bosh rol ijrochisini suratga olishni davom ettirishga ishontirish tobora qiyinlashib borayotganini aytadi. Moffat Benedikt va Martinni to‘rtinchi mavsumda rol o‘ynashga ko‘ndirganlarida hatto hayron bo‘lganini tan oladi. Gap shundaki, aktyorlarning allaqachon juda band jadvallari bor edi va ular, aslida, endi serialga muhtoj emas edilar.
Al Pachino, “Cho‘qintirgan ota”
Dastlab kino ijodkorlari Maykl rolini o‘sha paytda tanilmagan aktyor Al Pachinoga berishni istamagan. Suratga olish ishlari boshlanganda ham studiyada shubhalar bor edi. Al Pachino bu roldan voz kechishga tayyor edi, chunki u “kutilmagan joyda bo‘lishni istamasdi”. Ammo rejissor Frensis Koppola aktyorni qolishga ko‘ndirgan.
Liza Kudrou, “Do‘stlar”
Intervyuda aktrisa uchinchi fasldan so‘ng obrazidan charchagani uchun shouni tark etmoqchi ekanini aytadi. Ammo Joy rolini ijro etgan Mett Leblank qizni qolishga ko‘ndiradi. Aktyor qizga o‘yinni unchalik jiddiy qabul qilmaslikni aytadi.
Bred Pitt, “Vampir bilan intervyu”
“Vampir bilan intervyu” filmida aktyor o‘zini baxtsiz his qiladi. “Men olti oyni qorong‘ida, shuningdek, kontakt linzalarida o‘tkazdim”. Oxir-oqibat, Pitt chiday olmaydi, prodyuserga qo‘ng‘iroq qilib, buyog‘iga o‘ynay olmasligini aytadi. Ammo prodyuser tomonidan e'lon qilingan suratga olishdan bosh tortganlik uchun jarima aktyorni loyihada ishtirok etishni davom ettirishga majbur qiladi.
Zoi Saldana, “Karib dengizi qaroqchilari: Qora marvarid tavqi la’nati”
.jpg)
Zoi franshizada kichik rol o‘ynagan. Aktrisaning aytishicha, ushbu filmning suratga olinishi tufayli u nafaqat suratga olish maydonchasini, balki kinoni ham deyarli tark etgan. Yulduzning tan olishicha, gap aktyorlar tarkibida emas, balki boshqaruv jamoasining yordamchi aktyorlarga munosabati haqida ketmoqda.
Rassel Krou, “Robin Gud”
Rassell Krou film ssenariysi tufayli rolidan voz kechmoqchi bo‘ladi. Yulduzga ssenariy shunchaki qiziq emasdek tuyuladi. Aktyor ssenariy qayta yozishni talab qiladi, shundan keyingina ishga kirishadi.
Alan Rikman, “Garri Potter”
Alan Rikman “Azkaban mahbusi” filmini suratga olishdan oldin franshizani tark etish haqida o‘ylardi. Aktyor prodyuserlardan, rejissorlardan va umuman “Garri Potter” sujetidan hafsalasi pir bo‘lgan. O‘z xotiralarida u film ijodkorlarini mushtlashga tayyorligini tan oladi. “To‘g‘ri, maxsus effektlar bor, qahramon rivojlanadi, lekin sujet qani?” deb yozgan edi u.
Izoh (0)