Qiyma va guruch qo‘shib mazali sho‘rva tayyorlaymiz

Qiyma qo‘shib tayyorlanadigan sho‘rva tushlik uchun yaxshi tanlov bo‘la oladi. Soya sousi va guruch sirkasi sho‘rvaning ta’mini yanada mazali qiladi.

Kerakli masalliqlar:

• sarimsoq — 3 donacha
• ko‘katlar — ta’bga ko‘ra
• o‘simlik yog‘i — 1-2 osh qoshiq
• qiyma — 400-450 g
• guruch — 120-150 g
• tuz — ta’bga ko‘ra
• suv — 1500–1800 ml
• guruch sirkasi — 2-3 osh qoshiq
• soya sousi — yarim qoshiq

Tayyorlanishi: 

1. Sarimsoqni qirg‘ichdan o‘tkazing. Ko‘katlarni maydalang.
2. O‘simlik yog‘ini o‘rtacha olovda qizdiring. Qiymani 3-5 daqiqa davomida qovuring. Qoshiq bilan katta bo‘laklarni maydalang.
3. Sarimsoqni qo‘shing va yana yarim daqiqa pishiring. Guruch, tuz qo‘shing va ustiga suv quying.
4. Taomni qaynagandan keyin 15 daqiqa davomida pishiring. Soya sousi bilan guruch sirkasini qo‘shing va 5 daqiqa davomida pishirib oling.
5. Sho‘rvani dasturxonga tortishdan oldin to‘g‘ralgan ko‘katlarni qo‘shing. 

Yoqimli ishtaha!