Mashhur xonanda Rianna 2022-yilning 13-may kuni birinchi farzandini dunyoga keltirgan edi. U haligacha o‘g‘lining ismini ommadan yashiradi. Barbadoslik qo‘shiqchi Rianna va uning sevgilisi, reper A$AP Rocky ikkinchi farzandini kutmoqda, deb xabar bermoqda People nashri.
.jpg)
Xonandaning homilador ekanligi Super Bowl’ning tanaffusidagi chiqishida ma’lum bo‘ldi. U Loewe brendining yorqin qizil rangli kombinezonida sahnaga chiqdi. Shundan keyin uning ikkinchi marotaba ona bo‘lishi haqida xabarlar tarqaldi.
Keyinchalik xonandaning sevgilisi uning homilador ekanligi haqidagi ma’lumotni tasdiqladi. Qayd etilishicha, Rianna o‘z chiqishlari davomida eng mashhur xitlari — BBHMM, Wild Thoughts’dan Umbrella va Diamonds taronalarigacha ijro etgan. Ma’lumot o‘rnida, bu yulduzning so‘nggi besh yil ichidagi ilk chiqishidir.
Izoh (0)