Samarqand shahrida 12-fevral kuni mikrofon bermagani uchun restoran xodimlarini haqoratlab, janjal ko‘targan bloger ushlandi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, 12-fevral kuni fuqaro M.A. Samarqand shahridagi restoranda ovqatlanib, spirtli ichimlik taʼsirda restoran ish faoliyatini yakunlash arafasida restoran ishchilaridan qo‘shiq aytish uchun mikrafon so‘ragan. Restoran ishchilari ushbu restoranda “karaoke” yo‘qligi hamda restoran ish faoliyatini tugatganligini tushuntirmoqchi bo‘lganida, u ishchilarni uyatsiz so‘zlar bilan haqorat qilib, ularni urmoqchi bo‘lgan.
Restoran ishchilari hodisa joyiga Milliy Gvardiya qo‘riqlash xizmatini chaqirgan. Qo‘riqlash xizmati xodimlari fuqaro uni tinchlantirmoqchi bo‘lganida u xodimlarining qonuniy talablariga bo‘ysunmay, ularning xizmat faoliyatiga faol qarshilik ko‘rsatgan. Shundan so‘ng M.A. Samarqand shahri bo‘yicha Ichki ishlar organlari faoliyatini muvofiqlashtirish boshqarmasi 2-son IIBga olib kelingan. U bilan suhbat o‘tkazilib, xodimlar uni tinchlantirishmoqchi bo‘lganda meʼyoridan ortiq spirtli ichimlik istemol qilgani sababli baqir-chaqir qilib, kapitan D.Shodmonovning shaʼni qadr-qimmatini kamsitib, uyatli so‘zlar bilan haqorat qilgan.
Qayd etilishicha, hozirda holat yuzasidan tergovga qadar tekshiruv harakatlari olib borilmoqda.
Izoh (0)