O‘zbekistonda 2023-yilgi tuman va shahar budjetlaridan tashabbusli budjet uchun 2 trillion so‘m mablag‘ ajratiladi. Bu haqda Iqtisodiyot va moliya vazirligi axborot xizmati xabar berdi.
Xabarga ko‘ra, mablag‘dan 1 trillion so‘mi birinchi mavsumda ajratiladi. Shuningdek, 2023-yil boshiga mahalliy budjetlarda shakllangan erkin qoldiq mablag‘larining 30 foizi mahalliy hokimliklar tomonidan Fuqarolar tashabbusi jamg‘armasiga yo‘naltiriladi.
Birinchi mavsum uchun Fuqarolar tashabbusi jamg‘armalarida jami 1,7 trillion so‘m mablag‘ shakllanishi va ushbu mablag‘larning ovoz berish jarayoni boshlanguniga qadar jamg‘armalarga yo‘naltirilishi ko‘zda tutilmoqda. Ma’lumot uchun, 2023-yil 9-fevral holatiga Fuqarolar tashabbusi jamg‘armalarida 899 mlrd so‘m mablag‘ shakllangan.
Jamoatchilik tomonidan bildirilgan takliflarni moliyalashtirish uchun 2023-yilda budjetdan jami 8 trillion so‘m mablag‘lar yo‘naltirilishi mo‘ljallangan. Shundan:
- 2 trillion so‘m – “Tashabbusli budjet” jarayonlari uchun tuman va shahar budjetlarida rejalashtirilgan;
- 320 milliard so‘m – “Mening yo‘lim” loyihasi doirasida tuman va shahar budjetlarida rejalashtirilgan;
- 4 trillion so‘m – “Obod qishloq” va “Obod mahalla” dasturlarini jamoatchilik fikri asosida shakllantirish uchun.
Izoh (0)