“PSJ” ketma-ket 2-mavsum Fransiya Kubogini erta tark etdi. Messi ushbu musobaqada birorta g‘alabaga erishmadi

“PSJ” Fransiya Kubogi 1/8 finalida “Marsel”ga imkoniyatni boy berib (1:2), musobaqa bilan xayrlashdi.

Parijliklar ketma-ket ikkinchi mavsum kubokni erta tark etmoqda. 2022-yilda ham jamoa “Nitssa”ga qarshi bahsda penaltilar seriyasida yutqazib, 1/8 finalda o‘z yurishini to‘xtatgandi.

Bunga qadar “PSJ” 2015—2021-yillarda ketma-ket yetti mavsum finalda o‘ynagandi. Bu oraliqda jamoa olti marta kubokni qo‘lga kiritgan va bir marta yutqazgan.

Lionel Messi “PSJ” safida Fransiya Kubogi doirasida o‘tgan ikkinchi o‘yinda ham mag‘lub bo‘ldi. O‘tgan mavsumdagi “Nitssa”ga qarshi bahsda ham Messi maydonga tushgandi. Argentinalik futbolchi bu turnirda 10-raqam ostida harakat qiladi.

“Marsel” 2011-yilning noyabridan keyin ilk bor o‘z uyida “PSJ”ni mag‘lub etishga erishdi. “Olimpiyachilar” so‘nggi 12 yil ichida 9 marta Parij klubiga 9 marta yutqazgandi.