O‘zbekistonda 2023-yilda respublika bo‘ylab aholi yashash punktlarini optik tolali aloqa liniyalari bilan qamrab olish rejalashtirilgan. Bu jamoatchilik muhokamasiga qo‘yilgan 2023-yilgi davlat dasturi loyihasida qayd etilgan.
Unga ko‘ra, 50 ming kilometrlik optik tolali aloqa liniyalari qurish orqali ularning umumiy uzunligi 220 ming kilometrgacha ko‘payadi. Mobil aloqa operatorlari tomonidan qo‘shimcha baza stansiyalari o‘rnatish va respublikadagi aholi yashash punktlarida mobil aloqa va keng polosali mobil internet xizmatlari qamrovi 99 foizga ortadi.
Mobil aloqa operatorlari tomonidan qo‘shimcha baza stansiyalari o‘rnatish orqali xalqaro ahamiyatga ega bo‘lgan avtomobil yo‘llarida mobil aloqa va internet qamrovi 70 foizga yetkaziladi.
Qo‘shimcha ravishda 400 mingta keng polosali internet portlar o‘rnatish orqali ularning umumiy soni 5,3 milliontaga yetadi.
Xalqaro paketli kommutatsiya markazi o‘tkazuvchanlik qobiliyatini 4200 Gbit/s ga oshiriladi.
Izoh (0)