Fransiya Kubogi. “PSJ” “Marsel”ga imkoniyatni boy berib, musobaqani tark etdi

Futbol bo‘yicha Fransiya Kubogining 1/8 final bahsida “PSJ” 8-fevral, chorshanba kuni “Marsel” maydonida mehmon bo‘ldi.

Uchrashuvning 31-daqiqasida Aleksis Sanches penaltidan unumli foydalanib, hisobni ochdi. Birinchi bo‘lim so‘ngida esa Serxio Ramos muvozanatni tikladi. 

Ikkinchi bo‘limda esa Ruslan Malinovski tomonidan urilgan ajoyib gol “Marsel”ga g‘alaba keltirdi.

Shu tariqa parijliklar Fransiya Kubogini muddatidan oldin tark etishga majbur bo‘ldi.

Fransiya Kubogi

1/8 final bahsi

8-fevral, chorshanba

“Marsel” – “PSJ” 2:1

Gollar: 1:0 – 31 Sanches (penalti), 1:1 – 45 Ramos, 2:1 – 57 Malinovskiy.

“Marsel”: Lopes, Kloss, Mbemba, Jigo, Ronje, Kolashinas (Kabore, 63), Veretu, Malinovskiy, Genduzi, Sanches (Vitinya, 90), Under (Unai, 86).

“PSJ”: Donnarumma, Hakimi, Ramos, Markinyos, Mendesh, Danilu Pereyra (Zair-Emeri, 63), Verratti (Soler, 76), Fabian Ruis, Vitinya (Ekitik, 63), Messi, Neymar.

Ogohlantirishlar: Genduzi (48), Mbemba (49), Mendesh (64).