“Vagner” asoschisi Yevgeniy Prigojin urush paytida qanday qilib daromad topmoqda?

“Vagner” asoschisi Yevgeniy Prigojin urush davrida qanday qilib pul topayotgani haqida ma’lumot berildi. “Verstka” va “Mojem obyasnit” nashri tegishli surishtiruvni e’lon qildi.

Surishtiruvga ko‘ra, 2022-yilda Prigojinga aloqador ta’lim va sog‘liqni saqlash sohalarida oziq-ovqat yetkazib berish bilan shug‘ullanadigan kompaniyalar 91 mlrd rubldan ortiq daromad olgan. Shu bilan birga, shu kompaniyalarning so‘nggi o‘n yildagi umumiy daromadi taxminan 185 mlrdni tashkil qilmoqda.

Urushdan biroz oldin, Prigojinga bog‘liq Megaline kompaniyasi Rossiya Mudofaa vazirligining umumiy maydoni 64 000 kvadrat metr bo‘lgan Moskva yaqinidagi Shelkovodagi ko‘chmas mulk obyektlarini oldi. Ba’zi obyektlarning narxi past baholangan, buning natijasida ushbu bitim bo‘yicha Rossiya byudjeti 138 million rubldan ortiq yo‘qotishi mumkin edi.

Jurnalistlar alohida e’tiborni Sankt-Peterburgdagi Prigojinlar oilasining mol-mulkiga qaratdi. Ular Prigojinning o‘g‘li Pavel “Severniy Versal” kottej qishlog‘ida joylashgan 90-95 million rubllik uyga egalik qilishini aytmoqda.

Xuddi shu qishloqda “Laxtinskiy passaj” ko‘p funksional majmua mavjud. Obyektning taxminiy qiymati 260 mln rublga yetishi mumkin. Majmua joylashgan yer uchastkasining rasmiy egasi “Beta” kompaniyasi hisoblanadi. Yevgeniy Prigojin 2005-yilda unga asos solgan, hozirda Betaning yagona asoschisi uning o‘g‘li Paveldir.

Mavzuga doir: Putin rus elitasini qo‘rqitish uchun Prigojindan foydalanmoqda — CNN