Kuala-Lumpurdan Toshkentga aviaqatnovlar tiklanadi, Siyandan Toshkentga parvozlar yo‘lga qo‘yiladi

Malaysia Airlines aviakompaniyasi Kuala-Lumpurdan Toshkentga parvozlarni tiklaydi, deb xabar bermoqda Uzbekistan Airports matbuot xizmati.

Kuala-Lumpur—Toshkent—Kuala-Lumpur yo‘nalishi bo‘yicha birinchi charter reysi 1-martga belgilangan. Reyslar har o‘n kunda bir marta Airbus A330 samolyotlarida amalga oshirilishi rejalashtirilgan.

Shuningdek, Xitoyning Loong Air aviakompaniyasi Siyan va Toshkentni to‘g‘ridan to‘g‘ri reyslar bilan bog‘laydi.

Siyan—Toshkent—Siyan yo‘nalishi bo‘yicha brinchi yo‘lovchi reysi 10-fevralga mo‘ljallangan. Muntazam parvozlar Airbus A320 samolyotlarida haftada bir marta — juma kunlari amalga oshirilishi rejalashtirilgan.