Turkiyadagi falokatli zilzila qurbonlari soni 2 921 nafarga yetdi. Bu haqda Milliyet gazetasi Favqulodda vaziyatlar boshqarmasi (AFAD) ma’lumotlariga tayanib xabar berdi. Yana 15 834 kishi jabrlangan. Dunyoning 65 davlati Anqaraga yordam taklif qildi.
Suriya Sog‘liqni saqlash vazirligi ham mamlakatda zilziladan jabr ko‘rganlar haqida ma’lumot berdi. Unga ko‘ra, Suriyada 764 kishi halok bo‘lgan, 1 448 kishi jarohatlangan. Shu bilan birga, Al-Arabiya telekanali Suriyada 1,4 mingdan ortiq qurbonlar haqida yozmoqda.
Yevropa O‘rta Yer dengizi seysmologiya markazi ma’lumotlariga ko‘ra, 7-fevral kuni, Toshkent vaqti bilan 08:13 da Turkiyaning markaziy qismida 5,3 magnitudali yangi zilzila sodir bo‘lgan. Zilzila epitsentri Anqaradan 43 km, Besni shahridan 13 km uzoqlikda joylashgan. Zilzila o‘chog‘i 10 km chuqurlikda.
Turkiya favqulodda vaziyatlar boshqarmasi ham 5,3 magnitudali zilzila haqida xabar berdi. Uga ko‘ra, zilzila epimarkaziga eng yaqin shahar Adiyaman viloyatining Gelboshi shahri bo‘lib, silkinishlar o‘chog‘i 8,13 km chuqurlikda joylashgan. Ushbu zilziladan besh daqiqa oldin Malatya viloyatining Do‘g‘anshehir shahri yaqinida 5,0 magnitudali yana bir zilzila qayd etilgan.
Eslatib o‘tamiz, 6-fevral tongida Turkiyaning Gaziantep shahri yaqinida 7,5 magnitudali kuchli zilzila sodir bo‘ldi. Yer silkinishlari yana bir qancha viloyatlarda, shuningdek, Suriya va Livanda ham sezilgan. Shu kuni Turkiya va yana 6 davlatda qator zilzilalar qayd etildi.
Izoh (0)