O‘zbekistonda 2023-yil oxirigacha yillik inflyatsiya 8,5—9,5 foiz atrofida bo‘lishi prognoz qilinmoqda. Bu haqda Markaziy bankning o‘tgan yilning to‘rtinchi choragi uchun tayyorlangan sharhida ma’lum qilingan.
-25.jpg)
Qayd etilishicha, 2022-yil yakuni bo‘yicha yalpi ichki mahsulot o‘sishi Markaziy bankning oktabr oyidagi prognozlariga mos bo‘lib, 5,7 foizni tashkil etgan.
Markaziy bank 2022-yil davomida O‘zbekiston iqtisodiyoti tashqi sharoitlarning o‘zgarishiga moslashib borganini ta’kidlagan.
“Tashqi iqtisodiy xatarlarning ta’siri qisqa muddatli va dastlabki baholashlarga nisbatan pastroq bo‘lishi hisobiga eksport va transchegaraviy pul o‘tkazmalardan valyuta tushumlarining o‘sishi kuzatildi”, — deyiladi sharhda.
O‘tgan yili O‘zbekistonga 16,9 mlrd dollarlik pul o‘tkazmalari yuborilgan. O‘tkazmalarning 85 foizi yoki qariyb 14,5 mlrd dollari Rossiya hissasiga to‘g‘ri keladi. Bu 2021-yilga nisbatan 2,6 barobar ko‘pdir.
O‘zbekistondan boshqa davlatlarga o‘tkazilgan pul o‘tkazmalari hajmi 29 foizga oshib, 2,1 mlrd dollarni tashkil etdi. O‘zbekistonliklar asosan Turkiya, Xitoy, AQSH hamda Hindiston kabi mamlakatlarga pul o‘tkazmalarini amalga oshirgan.
Shuningdek, 2022-yilda iste’mol tovarlari narxlarining barcha guruhlarida keng qamrovli o‘sish kuzatilgan va bu umumiy yillik inflyatsiya 12,3 foizni tashkil qilgan.
Oxirgi uch oydagi inflyatsion kutilmalardagi o‘sish dinamikasi kelgusida inflyatsion xatarlar yuzaga kelishi ehtimollarini oshirgan.
Birinchi chorakda YIM o‘sishining ma’lum darajada sekinlashishi bo‘yicha ehtimollik yuqori va 2023-yil yakunida iqtisodiyotning 4,5—5 foizga o‘sishi kutilmoqda.
Izoh (0)