Maktablarda bir sinfdagi o‘quvchilar soni 20 nafargacha qisqartirilishi rad etildi

Maktabgacha va maktab ta’limi vazirligi maktablarda bir sinfdagi o‘quvchilar soni 20 nafargacha qisqartirilishi to‘g‘risidagi xabarlarni rad etdi.

Qayd etilishicha, prezident qaroriga ko‘ra, 2022/2026-yillarda umumiy o‘rta ta’lim muassasalarini qurish, rekonstruksiya qilish va mukammal ta’mirlash hisobiga 1,2 million o‘quvchi o‘rni miqdoridagi yangi quvvatlar yaratilishi topshirilgan.

Qaror bilan 2022/2026-yillarda umumiy o‘rta ta’lim muassasalarini qurish, rekonstruksiya qilish, mukammal ta’mirlash va jihozlashning asosiy prognoz ko‘rsatkichlari tasdiqlangan bo‘lib, unga ko‘ra respublika bo‘yicha 2899 ta maktabda qurilish, rekonstruksiya qilish va ta’mirlash ishlari amalga oshiriladi.

“Ayni damda bir sinfda o‘quvchilar soni 35 nafardan oshmasligi belgilangan bo‘lib, blogerlardan yolg‘on ma’lumotlar tarqatmaslikni so‘rab qolamiz”, — deyiladi vazirlik xabarida.