Zilzila qurbonlari ortmoqda: Turkiyada 76 kishi, Suriyada qariyb 100 kishi halok bo‘ldi (video)

Turkiyaning janubi-sharqiy viloyatlarida 6-fevral kuni ertalab sodir bo‘lgan zilzila oqibatida 76 kishi halok bo‘ldi, 440 kishi jarohatlandi, deb xabar bermoqda TRT Favqulodda vaziyatlar boshqarmasi ma’lumotlariga tayanib.

Zilzila ta’sir qilgan Suriyada esa, mamlakat sog‘liqni saqlash vaziri yordamchisi Ahmad Damiriyaning aytishicha, 99 kishi halok bo‘ldi, yana 334 kishi jarohat oldi. Al-Hadath telekanali 100 dan ortiq qurbonlar haqida yozmoqda.

“Yangilangan ma’lumotlarga ko‘ra, 99 kishi, jumladan, Latakiyada 50 kishi halok bo‘lgan. Barcha viloyatlarda 334 kishi jabrlangan”, — dedi Damiriya OAVga.

Halab shahri Suriya shimolida, Turkiya bilan chegara yaqinida, Xama esa Halabdan 120 kilometr janubda joylashgan. Latakiya O‘rta Yer dengizi sohilida, Halabdan 150 km uzoqlikda joylashgan. Suriyaning boshqa sohil shaharlari ham zilzila oqibatlari haqida xabar qilmoqda. 

Zilzila epimarkazi Suriyada emas, Turkiyada, mamlakat janubidagi Iskenderun viloyatida bo‘lgan. Suriya Milliy seysmologiya markazi rahbari Rayed Ahmadning aytishicha, u yerdagi silkinishlar 7,7 ballga yetgan, so‘ng ikki davlat chegarasida 6,4 ball va undan kuchsizroq yer silkinishlari qayd etilgan. Ahmad zilzila 1995-yildan beri eng kuchli bo‘lganini ta’kidladi.