Turkiya va Suriyadan keyin Livan, Iordaniya, Isroil, Gruziya, Armaniston va Afg‘onistonda ham yer qimirlashi qayd etildi.
Ma’lum qilinishicha, mazkur hududlarda qurbonlar qayd etilmagan, yerosti silkinishlari kuchli bo‘lmagani aytilmoqda. Livanda zilzila taxminan 40 soniya davomida sezilgan, ko‘p odamlar ko‘chalarga chiqqan. Al-Arabiya telekanali xabariga ko‘ra, Livanning qator hududlarida ehtiyot choralari doirasida ular turar-joy binolaridan odamlar evakuatsiya qilingan.
Isroilda zilzila mahalliy vaqt bilan soat 03:17 da sodir bo‘lgan va mamlakat shimoli va markaziy qismida sezilgan. Ben Gurion aeroportidan Istanbulga parvozlar kechiktirilgan.
Yevro-O‘rta Yer dengizi seysmologiya markazi ma’lumotlariga ko‘ra, Gresiya, Kipr, Iroq va Misrda ham kichik silkinishlar qayd etilgan. Turkiyadagi zilzila Armanistonga ham yetib kelgan. Yerevanda zilzila kuchi 3 ballni, Gyumrida esa 3-4 ballni tashkil etgan. Afg‘onistonda Toshkent vaqti bilan 16:04 da 4,1 magnitudali zilzila qayd etilgan.
Turkiya va Suriyadagi zilzila
Turkiyada 6-fevral kuni ertalab ro‘y bergan kuchli zilzila oqibatida 912 kishi halok bo‘ldi, yana 5385 kishi jarohatlandi. Suriyadagi zilzilada halok bo‘lganlar soni 371 kishiga yetdi, yana 1089 kishi jarohat oldi.
Izoh (0)