Turkiyadagi zilzilada halok bo‘lgan va jarohatlangan O‘zbekiston fuqarolari bo‘yicha ma’lumot kelib tushmadi — TIV

O‘zbekiston TIV Turkiyadagi zilzila oqibatida halok bo‘lgan va jarohatlangan O‘zbekiston fuqarolari bo‘yicha ma’lumot kelib tushmaganini ma’lum qildi.

Vazirlik matbuot xizmatining bildirishicha,  6-fevral Toshkent vaqti bilan soat 11:00 holatiga koʻra, O‘zbekistonning Turkiyadagi diplomatik vakolatxonalariga zilzila oqibatida halok bo‘lgan va jarohatlangan O‘zbekiston fuqarolari bo‘yicha ma’lumot kelib tushmagan.

“Dunyo” AAning xabar qilishicha, Oʻzbekistonning Anqaradagi elchixonasi va Istanbuldagi bosh konsulligi Turkiya hukumati, shu jumladan, TIV huzurida tashkil etilgan operativ shtab bilan doimiy muloqotda boʻlib turibdi.

Oʻzbekiston fuqarolari zarur hollarda O‘zbekistonning Anqaradagi elchixonasi (tel.: +90-312-441-38-71, +90-312-441-17-46) va/yoki Istanbuldagi bosh konsulxonasiga (tel.: +90-212-323-20-37, +90-212-323-20-39) murojaat qilishlari mumkin.