O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 

O‘zbekistonning Istanbul shahridagi Bosh konsulxonasi ayni vaqtda Turkiyaning janubiy viloyatlarida bo‘lib turgan o‘zbekistonliklarga murojaat qildi. 

Qayd etilishicha, kuchli zilzila qayta sodir bo‘layotgani sababli fuqarolardan quyidagi holatlarga qat’iy rioya qilish so‘ralgan:

“Agar siz zilzila  sodir bo‘layotgan viloyatlarda bino ichida bo‘lsangiz hujjatlar va zarur narsalarni olib, binodan tezda chiqing. Xonadan chiqayotganda liftda emas, zinapoyalardan foydalaning. 
Ko‘chada qoling, lekin binolar yonida turmang, ochiq joyga o‘ting. Tinchlaning va boshqalarni tinchlantirishga harakat qiling”.

O‘zbekiston fuqarolari zarur hollarda mamlakatning Anqaradagi elchixonasiga yoki Istanbuldagi konsulxonaga murojaat qilishi mumkin.

Elchixona: +90-538-035-85-34 
Bosh Konsulxonasi: +90-212-323-20-37, +90-212-323-20-39.