Turkiyada 6-fevral kuni 7,4 magnitudali zilzila sodir bo‘ldi. Oqibatda bir necha shaharlarda binolar qulab tushdi. O‘zbekiston hukumati holat yuzasidan Turkiyaga gumanitar yordam yuboradi.
Prezident matbuot kotibining ma’lum qilishicha, Shavkat Mirziyoyev Turkiyaga yordam yuborish bo‘yicha topshiriq bergan. Unga ko‘ra, kuchli zilziladan jabr ko‘rganlarga gumanitar yordam hamda tabiiy ofat oqibatlarini bartaraf etishda ishtirok etish uchun Favqulodda vaziyatlar vazirligining bir guruh qutqaruvchilari jo‘natiladi.
Avvalroq Shavkat Mirziyoyev Turkiya janubi-sharqiy qismidagi viloyatlarda yuz bergan kuchli zilzila oqibatlari munosabati bilan Rajab Toyyib Erdo‘g‘onga hamdardlik yoʻllagandi.
O‘zbekiston TIV matbuot xizmati bergan ma’lumotga ko‘ra, 6-fevral Toshkent vaqti bilan soat 11:00 holatiga koʻra, O‘zbekistonning Turkiyadagi diplomatik vakolatxonalariga zilzila oqibatida halok bo‘lgan va jarohatlangan O‘zbekiston fuqarolari bo‘yicha ma’lumot kelib tushmagan.
Izoh (0)