Polsha bosh vaziri Mateush Moravetski Rossiya qo‘shinlari Ukraina hududini tark etishi kerakligini aytdi. Bu haqda siyosatchi El Mundo nashriga bergan intervyusida gapirdi.
Moravetskining so‘zlariga ko‘ra, urush Rossiya Ukrainadan o‘z armiyasini olib chiqishga qaror qilganida va “ixtiyoriy yoki majburan” yakunlanadi. Jurnalistlarning “majburiy” variant uchinchi jahon urushiga olib keladimi yoki yo‘qmi degan savoliga siyosatchi Polsha barcha ssenariylarni ko‘rib chiqayotganini qayd etdi.
“Biz barcha ssenariylarni ko‘rib chiqamiz. Agar Kremlning g‘alabasiga yo‘l qo‘ysak, Rossiya imperializmi Ukrainada to‘xtab qolmasligiga shubham yo‘q. Rossiya barcha qo‘shnilari uchun tahdiddir”, — dedi Moravetski.
Avvalroq Polsha TIV Ukraina Rossiya ustidan harbiy g‘alaba qozongan taqdirdagina Yevropa sharqida barqaror tinchlik o‘rnatilishi mumkinligini ma’lum qilgandi. Vazirlik vakili Rossiya hamon Ikkinchi jahon urushi davridagi tamoyillarga amal qilishi, bu 70-80 yil avval sodir boʻlgan voqealarning davomi ekanini ta’kidlagan.
Izoh (0)