Toshkent viloyati Parkent tumanida avtokran qulab tushishi oqibatida mashinist vafot etgandi. Bosh prokuratura matbuot xizmatining “Daryo”ga ma’lum qilishicha, holat yuzasidan jinoyat ishi qo‘zg‘atildi.
Ma’lum qilinishicha, ushbu kran boshqaruvchisi — 37 yoshli S.A. tanasida bosh miya chayqalishi, bosh miya yopiq jarohati, umurtqa pog‘onasi ko‘krak bel qismi yumshoq to‘qimalari lat yeyishi, ko‘krak qafasi qorin to‘mtoq jarohati, o‘ng tomon pnevmotoraks, travmatik shok kabi tan jarohatlari borligi aniqlanib, olib borilgan tibbiy yordam muolajalariga qaramay, tibbiyot birlashmasida vafot etgan.
Mazkur holat yuzasidan Parkent tumani IIB huzuridagi tergov bo‘limi tomonidan Jinoyat kodeksining 257-moddasi 2-qismi “a” bandi (mehnatni muhofaza qilish qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilib, dastlabki tergov harakatlariga kirishilgan.
Hozirda jinoyat ishi yuzasidan tergov harakatlari davom ettirilmoqda.
“O‘zbekiston temir yo‘llari” matbuot xizmati e’lon qilgan axborotda yukni bir nechta kranlar bilan ko‘tarish asosida amalga oshirilmagani baxtsiz hodisaning asosiy omillaridan biri sifatida ko‘rsatilgandi.
Izoh (0)