O‘zbekiston va Janubiy Koreya xalqaro hamkorlik agentligi Innovatsion hamkorlik dasturini birgalikda amalga oshiradi. Bu haqda Oliy ta’lim, fan va innovatsiyalar vaziri huzuridagi Innovatsion rivojlanish agentligi xabar berdi.
Ma’lum qilinishicha, vazir o‘rinbosari Shahlo Turdiqulova Koreya xalqaro hamkorlik agentligi KOICA’ning O‘zbekistondagi vakolatxonasi rahbari Pak Sondjin bilan uchrashdi. Unda o‘zaro hamkorlik istiqbollari, vazirlik tomonidan olimlarni, ilmiy va startap loyihalarni qo‘llab-quvvatlash uchun yaratilgan imkoniyatlar muhokama qilindi.
Vazir o‘rinbosari KOICA vakolatxonasi va vazirlik o‘rtasida ilmiy-tadqiqot muassasalarini transformatsiya qilish, innovatsion hududlarda “aqlli” texnologiyalarni joriy etish, tibbiyot va biotexnologiya sohalarida o‘zaro hamkorlikni yo‘lga qo‘yish bo‘yicha hamkorlik bo‘yicha takliflarni ilgari surdi.
Uchrashuv yakunlari bo‘yicha KOICA’ning O‘zbekistondagi vakolatxonasi bilan ekspert-maslahatchilarni jalb qilish, shuningdek, O‘zbekiston milliy startap ekotizimini modernizatsiya qilish bo‘yicha Innovatsion hamkorlik dasturi (IPS) doirasida hamkorlik qilishga kelishib olindi.
Izoh (0)