La Liga. “Real” safarda “Malyorka”ga yutqazib qo‘ydi

Futbol bo‘yicha Ispaniya chempionatining 20-turida “Real” 5-fevral, yakshanba kuni “Malyorka” mehmoni bo‘ldi.

Uchrashuvning 13-daqiqasida mehmonlar himoyachisi Nacho o‘z darvozasini ishg‘ol qilib qo‘ydi. 60-daqiqada “Real” vakillari penalti tepish imkoniyatiga ega bo‘ldi, biroq Marko Asensioning zarbasini darvozabon bartaraf etdi. Qolgan vaqtda madridliklarda qator imkoniyatlar bo‘ldi, hisob o‘yin yakuniga qadar o‘zgarmay qoldi.

Ushbu g‘alaba evaziga “Malyorka” ochkolarini 28 taga yetkazib olgan holda 10-pog‘onada bormoqda. “Real” esa 45 ochko bilan ikkinchi pog‘onadan joy olgan.

La Liga

20-tur bahsi

5-fevral, yakshanba

“Malyorka” — “Real Madrid” 1:0

Gol: 1:0 – 13, avtogol Nacho.

“Malyorka”: Raykovich, Maffeo, Nastasich, Railyo, Gonsales, Kosta, Dani Rodriges (Ndiaye, 68), Li Kan In (Sanches, 78), Ruis de Galarreta (Grene, 90), Baba (Battalya, 78), Muriki.

“Real Madrid”: Lunin, Karvaxal, Nacho, Ryudiger, Kamavinga, Sebalyos (Alaba, 71), Valverde (Modrich, 64), Tchuameni (Kroos, 71), Asensio (Mariano Dias, 71), Vinisius Junior, Rodrigo.

Ogohlantirishlar: Vinisius Junior (44), Sebalyos (45), Kosta (61), Valverde (64), Ndiaye (72), Ruis de Galarreta (80), Modrich (81), Maffeo (87), Mariano Dias (90), Railyo (90).