Klublar o‘rtasidagi JCH. “Real” va “Flamengo”ning yarim finaldagi raqiblari ma’lum bo‘ldi

Futbol bo‘yicha klublar o‘rtasidagi Jahon chempionatining chorak finalidan o‘rin olgan o‘yinlar 4-fevral, shanba kuni o‘tkazildi.

Saudiya Arabistonining “Al-Hilol” jamoasi Marokashning “Vidad” klubini penaltilar seriyasida mag‘lubiyatga uchratdi (1:1, 5:3) va yarim final yo‘llanmasiga ega chiqdi. Misrning “Al-Ahli” klubi esa “Sietl Saunders”ni (AQSH) taslim etdi (1:0).

Shu tariqa musobaqaning yarim final juftliklari aniqlandi. 7-fevral kuni Janubiy Amerika chempioni “Flamengo” OCHLning amaldagi g‘olibi “Al-Hilol” bilan to‘qnash keladi. 8-fevralda esa YCHL sohibi “Real” Afrika Chempionlar Ligasi g‘olibi “Al-Ahli”ga qarshi o‘ynaydi.

Uchinchi o‘rin uchun bahs va final o‘yini 11-fevralda o‘tkaziladi.