Fyodor Yemelyanenko MMA’dagi so‘nggi jangida 1-raunddayoq nokautga uchradi

AQSHning Inglvud shahrida O‘zbekiston vaqti bilan 5-fevral tongida Bellator 290 musobaqasi bo‘lib o‘tdi.

Uning asosiy jangi og‘ir vazn toifasi vakillari Fyodor Yemelyanenko (40-7) va Rayan Beyder (34-7) o‘rtasida kechdi. Jangning birinchi raundida Beyder rossiyalik yakkakurashchini nokautga uchratdi.

Shu tariqa Yemelyanenko faoliyatidagi so‘nggi jangida mag‘lubiyatga uchradi. Avvalroq rossiyalik MMA afsonasi bu uning faoliyatidagi oxirgi jang bo‘lishini aytgandi. Jangdan keyin ham “So‘nggi imperator” MMA’dan ketishini ma’lum qildi.