“Real” hujumkor yarim himoyachisi Eden Azar jarohat oldi.
Madridliklar klubi matbuot xizmati Azarning chap tizzasida muammo borligini ma’lum qildi. Jurnalist Mario Kortegananing xabar qilishicha, belgiyalik futbolchi ikki haftaga safdan chiqqan.
Transfermarkt ma’lumotlariga ko‘ra, bu Azar uchun “Real” safidagi 18-jarohat. Futbolchi 2019-yilning yozidan shu vaqtga qadar Madrid klubining 74 ta o‘yinini o‘tkazib yuborgan.
Joriy mavsum 32 yoshli futbolchi La Ligada bor-yo‘g‘i uchta o‘yinda maydonga tushdi va birorta samaralari harakat amalga oshirmadi. So‘nggi bor Azar “Real” safida 3-yanvar kuni Ispaniya Kubogi doirasida “Kasereno”ga qarshi kechgan o‘yinda maydonga tushgandi.
Avvalroq “Real” futbolchilari Eder Militao va Karim Benzema jarohat olgan xabar qilingandi.
Izoh (0)