Bugun,

  • USD 11095.31
  • RUB 173.84
  • EUR 10772.44

Futbol bo‘yicha Italiya A Seriyasining 21-turida “Spetsiya” 5-fevral, yakshanba kuni “Napoli”ni qabul qildi.

Foto: Getty Images

Uchrashuvning birinchi bo‘limida hisob ochilmadi. Ikkinchi bo‘lim debyutida maydon egalari himoyachisi o‘z jarima maydonida qo‘li bilan harakat qildi va belgilangan penaltini Xvicha Kvaratsxeliya golga aylantirdi.

68-daqiqada Viktor Osimhen hisobni ishonchli ko‘rinishga olib kelgan bo‘lsa, oradan ko‘p o‘tmay Xvichaning uzatmasidan keyin dublini nishonladi.

Uchrashuvda o‘zbekistonlik hujumchi Eldor Shomurodov “Spetsiya” safidagi debyutini o‘tkazdi. Asosiy tarkibda maydonga tushgan Shomurodov 76-daqiqada zaxiraga olindi.

“Napoli” ushbu g‘alaba evaziga ochkolarini 56 taga yetkazib olgan holda peshqadamlikni mustahkamladi. Neapolliklar eng yaqin ta’qibchi “Inter”ni 16 ochkoga ortda qoldirmoqda. “Spetsiya” 18 ochko bilan 17-pog‘onada bormoqda.


A Seriya

21-tur bahsi

5-fevral, yakshanba

“Spetsiya” — “Napoli” 0:3

Gollar: 0:1 – 47, penalti Kvaratsxeliya, 0:2 – 68 Osimhen, 0:3 – 73 Osimhen.

“Spetsiya”: Drongovski, Amyan, Nikolau, Kaldara (Sipot, 76), Ampadu, Retsa, Burabiya, Agudelo, Espozito (Visnevski, 86), Shomurodov (Krollis, 76), Verde (Maldini, 76).

“Napoli”: Meret, Di Lorenso, Rrahmani, Kim Min Je, Mariu Ruy (Olivera, 74), Lobotka, Zelinski (Elmaz, 62), Zambo-Angissa, Losano (Politano, 46), Osimhen (Simeone, 82), Kvaratsxeliya (Ndombele, 74).

Ogohlantirishlar: Ampadu (16), Losano (19), Kaldara (50), Zelinski (52), Retsa (85).


 

Izoh
Asosiy yangiliklar
Mahalliy
O‘zbekiston qonunchiligida 1-apreldan nimalar o‘zgaradi?
Dunyo
Putin Rossiya tashqi siyosatining yangi konsepsiyasini tasdiqladi
Mahalliy
Andijonda kredit mablag‘larini o‘zlashtirgan rahbarlarga jinoyat ishi qo‘zg‘atildi