Chirkli qoplama va badbo‘y hid barabanda bakteriyalar va mog‘orlash boshlanganligini ko‘rsatadi. Uy sharoitida muammoni qanday bartaraf etish mumkin?
Oldidan (frontal) yuklash
- Agar kir yuvish mashinangizda “Barabanni tozalash” funksiyasi bo‘lsa, nur ustiga a’lo nur. Agar bunday funksiya bo‘lmasa, kir yuvish kukuni uchun mo‘ljallangan idishga bir stakan xlorli oqartirgich qo‘shing. Kir yuvishning to‘liq funksiyasini tanlab, jarayon yakunlanishini kuting. So‘ng quruq mato bilan barabanni va unga o‘rnatilgan rezina moslamani yaxshilab artib oling.
- Dispenser tortmasini chiqarib oling. Uni iliq suv bilan toza qilib yuving. Kukun va konditsioner qoldiqlarini tozalash uchun yumshoq cho‘tkadan foydalaning.
Vertikal yuklash
- Maishiy texnikangizdagi oddiy yuvish funksiyasini, suvning eng issiq haroratini va qo‘shimcha chayishni tanlang.
- Bir stakan xlorli oqartirgichni kir yuvish kukuni uchun mo‘ljallangan idishga yoki barabanga quying. Kir yuvish kukuni kerak emas. To‘liq siklni ishga tushiring va bakteriyalardan xalos bo‘lish uchun quritgichdan foydalaning.
Keyingi gal bu ishlarni osonroq bajarish uchun:
- Har bir kir yuvishdan keyin mashina eshigini kamida bir soat ochiq qoldiring.
- Kir yuvish mashinasini ishga tushirishdan avval kir sochiqlar yordamida baraban rezinasidagi kukun qoldiqlarini artib oling.
Mavzuga doir:
Izoh (0)