Futbol bo‘yicha Angliya Premyer Ligasining 22-turidan o‘rin olgan qator o‘yinlar 4-fevral, shanba kuni bo‘lib o‘tdi.
“Vulverhempton” “Liverpul”ni o‘z maydonida qabul qildi va 3:0 hisobida zafar quchdi. 5-daqiqada Joel Matip o‘z darvozasini ishg‘ol qildi, 12-daqiqada Kreyg Douson hisobni 2:0 ko‘rinishiga olib keldi. 71-daqiqada Ruben Nevesh “bo‘rilar”ning uchinchi goliga mualliflik qildi.
“Vulverhempton” ochkolari sonini 20 taga yetkazib, 15-o‘ringa ko‘tarilib oldi. “Liverpul” esa 29 ochko bilan 10-pog‘onani band etgan.
“Manchester Yunayted” “Kristal Pelas” bilan bahs olib bordi. Uchrashuvning 7-daqiqasida Brunu Fernandesh penaltidan unumli foydalanib, hisobni ochdi. 62-daqiqada Markus Reshford mankunianliklarning ikkinchi golini urdi. 70-daqiqada Kazemiro qizil kartochka olib, maydonni tark etdi. 76-daqiqada esa Jefrey Shlupp hisobni qisqartirdi.
“Qizil iblislar” ushbu g‘alabadan so‘ng 42 ochko bilan 3-o‘rinni egallab turibdi. “Kristal Pelas” esa 24 ochko bilan 12-pog‘onadan joy olgan.
APL
22-tur bahsi
4-fevral, shanba
“Vulverhempton” — “Liverpul” 3:0
Gollar: 1:0 – 5 Matip (avtogol), 2:0 – 12 Douson, 3:0 – 71 Ruben Nevesh.
“Vulverhempton”: Joze Sa, Semedu, Douson, Kilmen, Ait-Nuri, Mateush Nunesh, Lemina, Ruben Nevesh, Sarabiya (Moutinyu, 60), Xvan Xi Chxan (Traore, 42), Mateus Kunya (Ximenes, 60).
“Liverpul”: Alisson, Aleksander-Arnold, Matip, Gomes, Robertson, Baychetich (Elliott, 77), Tiago Alkantara, Keyta (Henderson, 65), Saloh, Gakpo, Nunyes.
Ogohlantirishlar: Douson (45), Gomes (75).
“Manchester Yunayted” — “Kristal Pelas” 2:1
Gollar: 1:0 – 7 Brunu Fernandesh (penalti), 2:0 – 62 Reshford, 2:1 – 76 Shlupp.
“Manchester Yunayted”: De Xea, Uan-Bissaka, Varan, Martines, Shou, Kazemiro, Fred, Brunu Fernandesh, Vegorst (Garnacho, 59), Reshford, Antoni.
“Kristal Pelas”: Guaita, Klayn, Gexi, Richards, Mitchell, Shlupp, Hyuz (Lokonga, 72), Dukure, Olise, Ayyu (Eze, 73), Eduar.
Ogohlantirishlar: Mitchell (45), Shlupp (67), Antoni (67).
Chetlatish: Kazemiro (70).
Izoh (0)