O‘zbekistonda tadbirkorlarning bankdagi hisobvaraqlaridan pul mablag‘larini ularning roziligisiz ko‘chirish yoki olib qo‘yish holatlari bo‘yicha ma’muriy va jinoiy javobgarlik choralari belgilanishi kutilmoqda.
Shu maqsadda Jinoyat va Ma’muriy javobgarlik to‘g‘risidagi kodekslarga o‘zgartirish va qo‘shimchalar kiritilmoqda. Tegishli o‘zgarishlar ko‘zda tutilgan qonun loyihasi deputatlar tomonidan ikkinchi o‘qishda qabul qilindi.
Deputatlarning qayd etishicha, tadbirkorlik faoliyatiga noqonuniy aralashish va to‘sqinlik qilish holatlariga qarshi samarali ishlar olib borilmoqda. Lekin Ma’muriy javobgarlik to‘g‘risidagi kodeksda davlat organlarining mansabdor shaxslariga nisbatan ortiqcha undirilgan va to‘langan pul mablag‘larini o‘z vaqtida qaytarmaslik uchun javobgarlik belgilanmagan.
Shu jihatdan, qonun loyihasi bilan tadbirkorlarning bankdagi hisobvaraqlaridan pul mablag‘larini ularning roziligisiz ko‘chirish yoki olib qo‘yish holatlari bo‘yicha ma’muriy va jinoiy javobgarlik choralarini belgilash maqsadida Jinoyat va Ma’muriy javobgarlik to‘g‘risidagi kodekslarga o‘zgartirish va qo‘shimchalar kiritilmoqda.
Deputatlarning ta’kidlashicha, mazkur qonun loyihasining qabul qilinishi tadbirkorlik subyektlarining qonuniy manfaatlarini himoya qilishning huquqiy choralarini kuchaytirishga imkon yaratadi.
Izoh (0)