Masharipov penalti ishladi, Ronaldu penaltidan unumli foydalandi va “An-Nassr”ni mag‘lubiyatdan qutqarib qoldi

Futbol bo‘yicha Saudiya Arabistoni chempionatining 15-turida “An-Nassr” 3-fevral, juma kuni “Al-Fotih” bilan bahs olib bordi.

Uchrashuvning 12-daqiqasida Kristian Telyo hisobni ochdi. Birichi bo‘lim yakunlanishiga bir necha daqiqa qolganda Andersen Taliska muvozanat tikladi.

Ikkinchi bo‘limda “Al-Fotih” Sofian Bendebkaning goli evaziga hisobda oldinga chiqib oldi. 65-daqiqada o‘zbekistonlik futbolchi Jaloliddin Masharipov zaxiradan maydonga tushdi va o‘yin so‘ngida jamoasi foydasiga penalti ishladi. Ushbu penaltini Krishtianu Ronaldu aniq amalga oshirib, hisobni tenglashtirdi. Shu tariqa o‘yin 2:2 hisobida yakunlandi.

Saudiya Professional Ligasi

15-tur bahsi

3-fevral, juma

“Al-Fotih” – “An-Nassr” 2:2

Gollar: 1:0 – 12 Telyo, 1:1 – 42 Taliska, 2:1 – 58 Bendebka, 2:2 – 90+3 Ronaldu (penalti).

 “Al-Fotih”: Rinne, Al-Zubaydi (Aljari, 81), Al-Dahim, Saadan, Buhumaid (Al Najdi, 62), Al-Fuhaid (Al-Musa, 81), Petros, Al-Breykan, Telyo (Aljassem, 72), Bendebka, Al-Hulayf (Alothma, 62).

“An-Nassr”: Rossi, Al-Ganam (Bushal, 83), Al-Avjami (Al-Hassan, 87), Al-Amri, Konan, Luis Gustavo, Taliska, Al-Haybari (Al-Sulayhim, 65), Yahyo (Masharipov, 65), Ronaldu, Garib (Martines, 65).

Ogohlantirishlar: Bendebka (63), Al-Avjami (78), Ronaldu (90), Al-Dahim (90).

Ogohlantirishlar: Taliska (90).