Jizzax viloyati Sharof Rashidov tumanida benzin qo‘lda sotilayotgani aniqlandi. Energetika vazirligi holat yuzasidan munosabat bildirdi.
Qayd etilishicha, avtobenzinga bo‘lgan talab oshgani sababli ayrim fuqarolar tomonidan o‘zlarining shaxsiy avtomashinalarida AYQSHlardan benzin xarid qilib, uni mashina bakidan chiqarib, qo‘lda noqonuniy ravishda sotish holatlari uchramoqda.
Mazkur holatlarni bartaraf etish maqsadida muntazam ravishda huquqni muhofaza qilish organlari, Davlat soliq va Monopoliyaga qarshi kurashish boshqarmalari bilan hamkorlikda nazorat tadbirlari o‘tkazib kelinmoqda.
2023-yilning o‘tgan davri mobaynida o‘tkazilgan tadbirlar davomida Jizzax viloyatining turli hududlarida fuqarolar tomonidan avtomobillarga yoqilg‘i quyish shoxobchalaridan 5700 so‘mdan sotib olingan Ai-80 markali avtobenzinni 10 000 so‘mdan 15 000 so‘mgacha sotilayotgani aniqlanib, ularga nisbatan ma’muriy bayonnomalar rasmiylashtirilgan.
Xususan, Jizzax shahri va Sharof Rashidov tumanlarida bir necha fuqarolar tomonidan jami 645 litr avtobenzin noqonuniy ravishda sotilayotgani aniqlanib, ularga nisbatan tegishli hujjatlar rasmiylashtirilgan. Hozirda ishchi guruhlar tomonidan joylarda nazorat tadbirlari davom ettirilmoqda.
Izoh (2)
yangilik bulibtida sensation natija, Gijduvonga kelingla qadamga kurinadi qulda sotiladigan benzin
Rostdan a hayron qoldim eshitib qolda ham sotsa bolarkanda a
Jurnalistlar ajoyibszlarda e buni endi birinchi Marta korayotgandek aniqlandi deb post qoyibszlarda bu oddiy ahvolku