“Boshim ko‘p og‘riydi, nima qilay?” Bosh og‘rig‘idan xalos bo‘lishga yordam beradigan tavsiyalar

Bosh og‘rig‘i megapolislar aholisi orasida eng ko‘p uchraydigan muammolardan biri: ular haddan ortiq ko‘p axborotga ega va doimo qayergadir shoshadi. Bu muammo bilan qanday kurashish kerak, mutaxassis tushuntiradi, deb yozadi “Noviy ochag” nashri.

Kuchli bosh og‘rig‘i qanday paydo bo‘ladi?

Ichki dialog

Boshdagi og‘riq doimiy ichki muloqot, ma’lumotni qabul qilish va tahlil qilish zarurati tufayli yuzaga kelishi mumkin. Va ko‘pincha bu illyuziya, chunki odam nima sodir bo‘layotganini nazorat qilishga intiladi. Yangi bilim unga bunda boshqaruvni beradi deb o‘ylaydi. Ammo unday emas: juda ko‘p bilim qaror qabul qilishda yordam berish o‘rniga, aksincha, chalkashtirishi mumkin.

Nima qilish kerak?

Ijtimoiy tarmoqlarga kirmang, yangiliklarni o‘qimang. O‘zingiz uchun raqamli detoksni tashkil qiling. Yotishdan oldin tinch holatga o‘tish kechki payt qiladigan eng yaxshi ishdir.

Uzoq umr ko‘ruvchilarning siri shundaki, ularning haftasida bir kun borki, umuman ishlamaydilar. Buning o‘rniga oilasi bilan vaqt o‘tkazadilar, sevimli mashg‘ulotlariga va xohlagan narsalariga e’tibor beradilar. Hozirdanoq buni kundalik jadvalga kiritish qiyin bo‘lsa, muntazam ravishda bir soatdan boshlashga harakat qiling. Sekin-asta bu vaqtni yarim kunga, keyin esa butun kunga oshiring.

Haftalik jadvalimda o‘zim va mening yaqinlarim uchun aniq vaqt ajratilganini bilish o‘z-o‘zidan stressga qarshi vosita bo‘lib xizmat qiladi. Qanday go‘zal an’ana.

Yuzni saqlash zarurati

Bo‘yin va boshdagi og‘riqlar vaqtida yuzni ushlab turish zarurati, xatti-harakatlar va his-tuyg‘ularni haddan tashqari nazorat qilish haqida. Ya’ni, hamma narsani o‘zingizda ushlab qolishga odatlangan bo‘lsangiz, beparvolik bilan aytilgan so‘z yoki ko‘rsatilgan his-tuyg'ularni o‘zingizdan chiqazib yubora olmasangiz, ularni shunchaki yashiring.

Chiqish yo‘li bo‘lmasa, bu reaksiyalar peshonada, chakkada yoki boshning ensa qismida bosh og‘rig‘i sifatida namoyon bo‘ladi.

Va jag‘larda ham qanchalik zo‘riqish borligini bilmaysiz — axir o‘z fikrimizni aytmaslik, yig‘lab yoki baqirib yubormaslik uchun tishlarimizni bir-biriga bosgan holda o‘zimizni tiyib turamiz.

Nima qilish kerak?

Yordam beradigan oddiy harakatlar mavjud: masalan, sochingizni yuvayotganda barmoqlaringiz bilan bosh terisini yengil massaj qiling. Buning uchun barmoq uchlarini boshga mahkam tiragan holda terini uqalash kerak. Avvaliga hech qanday o‘zgarishlar yo‘qdek tuyulishi mumkin, lekin har bir takrorlaganda bosh terisi yanada egiluvchan, yumshoq va bo‘shashadi: bu bilan tashqi taranglikni yengillashtirasiz va o‘zingizga dam olish uchun signal berasiz.

Yuzdagi taranglikni qanday yo‘qotsa bo‘ladi: kaftlaringizni bir-biriga yaxshilab ishqalang va iliq qo‘llar bilan yuzingizni yoping va kaftlaringizni peshonangizdan iyagingizga qadar siljiting, go‘yo yuzingizdagi barcha to‘planib qolgan taranglikni yoyib yuborasiz. Bu mashqni asta-sekin bajarib, bir necha marotaba takrorlash mumkin.

Mavzuga doir:

• Hech qanday tabletkalarsiz! Uy sharoitida bosh og‘rig‘ini yengillatishning 10 ta usuli
• Barcha turdagi og‘riqlarni bartaraf etishga yordam beradigan tabiiy mahsulotlar