Samarqanddagi soyga sel keldi (video)

Samarqand viloyati Ishtixon tumanidagi soyga 2-fevral kuni sel keldi.

Viloyat Favqulodda vaziyatlar boshqarmasi xabariga ko‘ra, Chimqo‘rg‘on mahallasidan oqib o‘tuvchi Oqtepa soyda yomg‘ir suvlari yig‘ilib, oqib kelishi kuzatilgan.

Tuman FVB mas’ul xodimlari zudlik bilan voqea joyiga yetib borib, o‘rganish ishlarini olib borganda, soydan suv fuqarolarga hech qanday zarar keltirmasdan oqib o‘tib ketayotgani aniqlangan.

Mazkur Oqtepa soy viloyatning Qo‘shrabot va Ishtixon tumanlaridan oqib o‘tgan bo‘lib, umumiy uzunligi 43 kilometr, maksimal suv o‘tkazish hajmi 10—20 metr kub/sekundni tashkil etadi. Ayni damda soydan 5—6 metr kub/sekund suv xavfsiz oqib o‘tmoqda.

Mavzuga doir:

• Poytaxt ko‘chalarini kuchli yomg‘irdan so‘ng suv bosdi, Qashqadaryoda esa sel keldi
• Tog‘li hududlarda qor yog‘moqda, Samarqand va Andijon yo‘llarini suv bosdi
• Qashqadaryoda muz erishi oqibatida kanal suvi toshdi