Zelenskiy Gruziya hukumatini Saakashvilini qiynoqqa solish va o‘ldirishga urinishda aybladi (video)

Gruziya sobiq prezidenti Mixail Saakashvili jazoni vaqtincha to‘xtatib turish yoki jazodan ozod qilish bo‘yicha sud majlisida masofadan turib ishtirok etdi. Ukraina prezidenti uning sog‘lig‘idagi o‘zgarishlarni ko‘rib, Gruziya hukumatini tanqid qildi. Bu haqda “Interfaks” xabar berdi.

Saakashvili sud majlisida sog‘lig‘i yomonligini ma’lum qilgan va futbolkasini ko‘tarib, hibsda ushlab turilganda qanchalik ozganini ko‘rsatgan.

“Men butun bilimimni Gruziyaga berdim. Endi esa sog‘ligimni topshirdim, ulardan yagona so‘raydigan narsam — menga munosib davolanish imkoniyati berishsin. Agar kerak bo‘lsa, jonimni ham beraman. Sog‘lig‘im keskin yomonlashdi”, — dedi siyosatchi sudda.

Shu bilan birga, 1-fevral kuni Mixail Saakashvilining Facebook’dagi sahifasida siyosatchining ukrainaliklarga murojaati e’lon qilindi, unda u “yuragini Kiyevga dafn etish” istagini bildirgan.

“Meni qiynoqqa solib, zaharlashmoqda. Sizga murojaat qilmoqchiman, hamma Ukraina xalqidan mamnunligidan faxrlanaman. Zelenskiy prezident ekani va uning pozitsiyasidan minnatdorman. Ukraina urushda g‘alaba qozonishga mutlaqo ishonaman Ammo g‘alabani ko‘rishgacha yasholmasam, yuragim Kiyevga dafn etilishi kerak — u Ukrainaga tegishli. Ukrainaga shon-sharaf, dushmanimizga esa o‘lim“, — degan Mixail Saakashvili.

Ukraina prezidenti Vladimir Zelenskiy 1-fevral kuni Avstriya prezidenti Aleksandr Van der Bellen bilan qo‘shma matbuot anjumanida Saakashvili ishtirokidagi videoga munosabat bildirdi va sodir bo‘layotgan voqealarni “Ukraina fuqarosining ommaviy qiynoqqa solish” deb atadi.

“Bu Ukraina fuqarosini ommaviy qiynashdir. Gruziyaning sobiq prezidenti nima uchun hibsga olingani, bu Gruziyadagi siyosat va demokratiya uchun qanday oqibatlarga olib keladi? degan savolni muhokama qilmayapman. Bu ularning ichki ishi. Men har kuni omma oldida qiynoqqa solingan Ukraina fuqarosi Mixail Saakashvilining hibsga olinishi haqida gapiryapman. Menimcha, ularning maqsadi Saakashvilini o‘ldirishdir”, — dedi Zelenskiy.

Mavzuga doir: “Quruq suyaklari qolgan”. Saakashvilining onasi o‘g‘lining ahvoli haqida gapirdi