DXX kuchli ta’sir qiluvchi dori vositalarining noqonuniy savdosiga chek qo‘ydi, deb xabar beradi O‘zA.
Qayd etilishicha, Toshkent viloyati Ohangaron tumanida Cobalt avtomashinasi to‘xtatilib, tekshirilganda haydovchi va unda yo‘lovchi sifatida ketayotgan fuqaro 10 864 dona “Regapen” hamda 1 995 dona “Tropikamid” kuchli ta’sir qiluvchi dori vositalarini Toshkent shahriga olib ketayotgani ma’lum bo‘lgan.
Ushbu dori vositalarini Sergeli tumanida ikki nafar shaxs qabul qilib olgan vaqtida DXX, ichki ishlar va bojxona organlari xodimlari tomonidan ushlangan.
Aniqlanishicha, kuchli ta’sir qiluvchi dori vositalari Qirg‘izistondan noqonuniy yo‘llar bilan olib kelingan.
Holat yuzasidan ushbu shaxslarga nisbatan Jinoyat Kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
Izoh (0)