Toshkent shahar Obodonlashtirish bosh boshqarmasiga yangi rahbar tayinlandi

Rustam Yusupovga Toshkent shahar Obodonlashtirish bosh boshqarmasi boshqaruvchisi vazifasini vaqtincha bajarish yuklatildi.

Bu haqda 31-yanvar kuni poytaxt hokimi Baxtiyor Rahmonovning tegishli farmoyishi imzolangan.

Rustam Yusupov bunga qadar Toshkent shahar Obodonlashtirish bosh boshqarmasi boshqaruvchisining birinchi o‘rinbosari bo‘lgan.

2021-yilning noyabridan buyon Toshkent shahar Obodonlashtirish bosh boshqarmasiga rahbarlik qilib kelgan Anvar Umarov hokimning 27-yanvardagi farmoyishi bilan lavozimidan ozod qilingan. 

Shuningdek, boshqarma balansidagi moddiy boyliklarni inventarizatsiyadan o‘tkazib, o‘rnatilgan tartibda topshirish-qabul qilish ishlari tashkil etilishi belgilangandi.