Tabiat resurslari vazirligida tayinlovlar amalga oshirildi
Tabiat resurslari vazirligida 1-fevral kuni qator tayinlovlar amalga oshirildi. Bu haqda vazirlik axborot xizmati xabar berdi.
Qayd etilishicha, Sherzod Habibullayev vazirlik huzuridagi Gidrometeorologiya xizmati agentligi direktori lavozimiga tayinlangan. U ushbu tayinlovga qadar Gidrometeorologiya xizmati bosh direktori lavozimida faoliyat yuritgan.
Jusipbek Kazbekov tabiat resurslari vazirining o‘rinbosari lavozimiga tayinlandi. U ushbu tayinlovga qadar Ekologiya va atrof-muhitni muhofaza qilish davlat qo‘mitasi raisi o‘rinbosari lavozimida faoliyat yuritgan.
Obidjon Qudratov tabiat resurslari vazirining birinchi o‘rinbosari lavozimiga tayinlandi. U tayinlovga qadar Vazirlar Mahkamasida Turizm, madaniyat va ommaviy kommunikatsiyalar masalalari kotibiyati mudiri lavozimida faoliyat yuritgan.
Shuningdek, Rasul Kusherbayev tabiat resurslari vazirining maslahatchisi lavozimiga tayinlandi. U ushbu tayinlovga qadar Oliy Majlis Qonunchilik palatasi deputati bo‘lib faoliyat yuritgan
