Pop qiroli Maykl Jekson haqidagi biografik filmda bosh rolni uning 26 yoshli jiyani, xonanda Jafar Jekson gavdalantiradi.
Jafar Mayklning akasi Jermeyn Jeksonning o‘g‘li hisoblanadi. Maykl Jekson rolining bo‘lajak ijrochisi 12 yoshidan boshlab qo‘shiq kuylaydi va raqsga tushadi. Jafar allaqachon ijtimoiy tarmoqlarga marhum amakisining mashhur pozasi tushirilgan suratini joylashtirgan.
“Maykl amakimning hikoyasini hayotga tatbiq etish men uchun sharaf. Butun dunyodagi barcha muxlislarga: tez orada ko‘rishguncha”, — deb yozadi xonanda ijtimoiy tarmoqlardagi sahifasida.
Biografik filmni “Mashg‘ulot kuni” va “Adolat himoyachisi” filmlarini suratga olgan rejissor bilan Antuan Fuku boshqaradi. Loyihaning ssenariy muallifi Jon Logan (“Aviator”, “Gladiator” filmlari ssenariy muallifi). Premyera sanasi hozircha ma’lum qilinmagan.
Izoh (0)