Lukashenko “munosabatlarni mustahkamlash” uchun Zimbabvega tashrif buyurdi (video)

Belarus prezidenti Aleksandr Lukashenko uch kunlik davlat tashrifi bilan Zimbabvega keldi. Bu Belarus prezidentining Sahroyi Kabir janubidagi Afrika davlatiga birinchi tashrifi, deb xabar bermoqda Euronews.

Xarare aeroportida Belarus prezidentini Zimbabve rahbari Emmerson Mnangagva va hukmron partiyaning besh mingga yaqin tarafdorlari kutib oldi.

Zimbabve Tashqi ishlar vazirligi ma’lum qilishicha, ikki davlat rahbarlari oʻrtasida rejalashtirilgan muzokaralar siyosat, togʻ-kon va qishloq xoʻjaligi kabi sohalarda ikki davlat oʻrtasidagi “mavjud ajoyib munosabatlar”ni mustahkamlashga qaratilgan.

Mutaxassislar bu ikki davlatni birlashtirib turgan omil G‘arbning ularga nisbatan qo‘ygan sanksiyalari ekanini ta’kidlaydi. “G‘arb tomoni mamlakatlarimizni jazolamoqchi, ammo ular bunga erisha olmaydi, chunki ikki davlatning rivojlanish strategiyasi o‘zimizni o‘zimizni ta’minlashga qaratilgan”, — dedi Xarare provinsiyasidagi ZANS-PF partiyasi raisi Godvils Masimirembva.

Sanksiyalar bilan bir qatorda ikki prezidentni ularga nisbatan inson huquqlarini buzish, jumladan, muxolifatni kuch bilan bostirish ayblovlari ham birlashtiradi. Mutaxassislarning fikricha, diplomatik izolyatsiya sharoitida har ikki davlat xalqaro munosabatlarini diversifikatsiya qilishga intilmoqda.

”BelTA” agentligi xabariga koʻra, Lukashenkoning tashrifi doirasida Zimbabve va Belarus oʻrtasida hamkorlik boʻyicha qoʻshma doimiy komissiya tuzish toʻgʻrisidagi bitimlar, jumladan, investitsiyalarni rag‘batlantirish va birgalikda himoya qilish, hamkorlik bo‘yicha qo‘shma doimiy komissiya tuzish to‘g‘risida, ta’limga oid hujjatlarni o‘zaro tan olish to‘g‘risidagi anglashuv memorandumi, ikki tomonlama soliqqa tortishning oldini olish va soliq to‘lashdan bo‘yin tovlashning oldini olish to‘g‘risida kelishuvlarni imzolagan.

Tomonlar Belarus traktori va g‘alla yig‘im-terim texnikasi, shuningdek, don saqlash komplekslarini qurish va modernizatsiya qilish uchun uskunalar yetkazib berish bo‘yicha shartnomalar imzolagan.

Bundan tashqari, Minsk va Xarare shaharlari oʻrtasida qardoshlik munosabatlari oʻrnatilishi haqida eʼlon qilindi.