Jizzax viloyati Arnasoy tumanidagi ko‘lda noyob saqoqush ovlandi. Tabiat resurslari vazirligi holat yuzasidan izoh berdi.
Qayd etilishicha, “Aydar-Arnasoy” ko‘llar tizimi bo‘limi inspektorlari olib borgan tezkor tadbirda holat shu ko‘lda sodir bo‘lgani va fuqaro E.D. saqoqushni qarmoq bilan ushlab, nobud qilgani aniqlangan.
Mazkur holatda “Hayvonot dunyosini muhofaza qilish va undan foydalanish to‘g‘risida”gi hamda “Ov qilish va ovchilik xo‘jaligi to‘g‘risida”gi qonunlari talablari buzilgan.
Saqoqush (pelikan) O‘zbekiston Qizil kitobiga kiritilgan tur bo‘lganligi sababli huquqbuzarga nisbatan qonuniy chora ko‘rish va hayvonot dunyosiga yetkazilgan zararni undirish maqsadida to‘plangan hujjatlar tegishli prokuratura organlariga taqdim etildi.
Izoh (0)