Ispaniyadagi norka fermalaridan birida H5N1 parranda grippi aniqlandi. Virus sutemizuvchilarda qayd etilgan birinchi infeksiya bo‘lib, odamlar uchun jiddiy xavf tug‘dirishi mumkin. Bu haqda Express xabar berdi.
Ispaniyaning shimoli-g‘arbiy qismida infeksiya tarqalishi sababli 52 mingdan ortiq norka so‘yilgan. Hayvonlar mahalliy chaykalar orqali parranda grippini yuqtirgani aytilmoqda. Kasallangan hayvonlar bilan aloqada bo‘lgan fermaning 11 nafar xodimining test natijalari salbiy chiqqan.
Ispan epidemiologlari va Jahon sog‘liqni saqlash tashkiloti ekspertlari H5N1 kelajakda odamlarga yuqishi mumkinligini ilgari surdi. JSST ekspertlari yangi virus 1918-1919 yillarda 50 milliondan ortiq odam halok bo‘lgan ispan grippidan ham xavfliroq bo‘lishi mumkinligini ta’kidlamoqda.
Avvalroq Rossiya va Qozog‘istonda cho‘chqa grippi tarqalayotgani haqida ma’lumot berilgandi. Kasallik Qirg‘izistonda ham kuzatilgan.
Izoh (0)