Rossiya Qozog‘istonda “ikkinchi Ukraina” yaratishni rejalashtirganmi? Lavrov javob berdi

Rossiya Tashqi ishlar vaziri Sergey Lavrov Qozog‘istonda “ikkinchi Ukraina” tashkil etilishi haqidagi savolga javob berdi. Bu haqda tashqi ishlar vazirligi saytida xabar berildi.

Jurnalistlar Rossiya Tashqi ishlar vazirligi Qozog‘istondagi vaziyatni qanchalik diqqat bilan kuzatib bormoqda? Kelajakda ular u yerda “ikkinchi Ukraina” ni yaratadilarmi? degan savol bilan murojaat qilgan.

“Yana bir bor ta’kidlamoqchimanki, Rossiya-Qozog‘iston ittifoqining yanada rivojlanishiga qarshi bo‘lganlarning barcha intrigalariga qaramay, biz sheriklar bilan ko‘p qirrali ikki tomonlama hamkorlikni mustahkamlash bo‘yicha ishlashda davom etamiz, bu esa do‘st Qozog‘iston bilan o‘zaro munosabatlarda yordam beradi”, — dedi Lavrov.

Siyosatchi Rossiya BMT Nizomiga muvofiq xalqaro huquqning umume’tirof etilgan prinsiplari va normalariga muvofiq ish tutib, respublikaning ichki ishlariga aralashmasligini ta’kidladi. Rossiya va Qozog‘iston ko‘p yillik do‘stlik va ishonch munosabatlari bilan bog‘liq bo‘lgan yaqin qo‘shnilar ekani qayd etildi.

“Bugungi kunda munosabatlar strategik sheriklik va ittifoqchilik darajasida ekani bejiz emas. Shu bois Rossiya va Qozog‘iston rasmiylari umumiy dolzarb muammolarni hal qilishda yaqindan hamkorlik qilayotgani tabiiy hol”, — ta’kidladi Lavrov.

Mavzuga doir: Lavrov G‘arb davlatlari Markaziy Osiyoga “jiddiy bosim” o‘tkazayotganini aytdi