Shavkat Mirziyoyevning qarori bilan 31-yanvar kuni Raqamli texnologiyalar vazirligida qator tayinlovlar amalga oshirildi. Bu haqda O‘zA xabar berdi.
Qarorga ko‘ra:
- Oleg Pekos raqamli texnologiyalar vazirining birinchi o‘rinbosari lavozimiga;
- Jamol Maxsudov raqamli texnologiyalar vazirining o‘rinbosari lavozimiga;
- Rustam Karimdjonov raqamli texnologiyalar vazirining o‘rinbosari lavozimiga (avval — xalq ta’limi vazirining o‘rinbosari edi);
- Shuxrat Kadirov Raqamli texnologiyalar vazirligi huzuridagi Kosmik tadqiqotlar va texnologiyalar agentligi direktori lavozimiga;
- A’zam Abdullayev Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi boshlig‘i lavozimiga tayinlandi.
Shuningdek, Doniyor Rustamov boshqa ishga o‘tishi munosabati bilan axborot texnologiyalari va kommunikatsiyalarini rivojlantirish vazirining o‘rinbosari lavozimidan, Jamshid Egamberdiyev boshqa ishga o‘tishi munosabati bilan axborot texnologiyalari va kommunikatsiyalarini rivojlantirish vazirining o‘rinbosari lavozimidan ozod etildi.
Izoh (0)