Eng yaxshi muolajalar va samarali vositalardan foydalanishdan avval ko‘pincha dunyoga mashhur ayollarning go‘zallik bobidagi maslahatlariga quloq tutamiz. Yulduzlarning kasbi hamisha mukammal ko‘rinishni talab qiladi, shuning uchun ham ularning go‘zallik tavsiyalariga amal qilish foydalidir, deb yozadi Harper’s Bazaar Kazakhstan.
Margo Robbi
Yaqinda aktrisa mo‘jizaviy qurilma uning terisini mukammal ko‘rinishiga yordam berishini ma’lum qildi: “Men massaj va tebranishlarga asoslangan yoshartiruvchi qurilmadan foydalanaman. Bu haqiqatan ham yordam beradi. Qasam ichamanki, buning uchun menga hech kim pul to‘lamaydi”. Gadjet elastin va kollagen ishlab chiqarishni rag‘batlantiradi, bu esa teri qarishiga qarshi eng samarali vositalardan biri hisoblanadi.
Sofi Terner
“Taxtlar o‘yini” yulduzining so‘zlariga ko‘ra, uning go‘zallik borasida sirlari juda oddiy. Sofi faqat ikkita kosmetik mahsulotdan foydalanadi: mitsellyar suv va iS CLINICAL tozalovchi vositasi. Yallig‘lanishga qarshi va oziqlantiruvchi o‘simlik yog‘lari tufayli mahsulot teriga zarar yetkazmasdan chuqur tozalaydi.
Kendall Jenner
Taniqli model Avene Cold Cream mahsuloti yordamida lab qurishiga qarshi kurashadi. Lab bo‘yog‘i terini yaxshi holatda saqlaydi va namlantiradi.
Megan Markl
Sasseks gersoginyasining to‘y makiyajini yaratgan Daniyel Martinning aytishicha, uning yorqin terisining siri Eucerin Aquaphor deb nomlanuvchi qayta tiklovchi balzamdadir. Mashhur vizajist kremni yuzning yuqori nuqtalarida yoritgich sifatida ishlatadi va ustiga Dior xaylayterini qo‘llaydi.
Viktoriya Bekhem
Dizayner ko‘proq Osea tana moylarini yaxshi ko‘radi. Viktoriya uni dush qabul qilgandan keyin darhol nam badanga qo‘llashni tavsiya qiladi. Bundan tashqari, to‘rt farzandning onasi Lancer Skincare va Dr.Barbara Sturm brendi mahsulotlaridan ham foydalanadi.
Amal Kluni
Venetsiya kinofestivalida qizil yo‘lakka chiqishdan oldin vizajist Sharlotta Tilberi Amal Klunining yuziga Charlotte Tilbury quruq niqobini qo‘lladi. U ajinlarni tekislaydi, terini yorqinlashtiradi va namlaydi.
Kim Kardashyan
Kim Kardashyan shunchaki qarishga qarshi Guerlain Orchidée Impériale Rich kremidan muntazam foydalanadi.
Rozi Xantington-Uaytli
“Jeyms Read Night tungi yuz niqobi men ishlatgan eng yaxshi kosmetik mahsulotdir”, — deydi model.
Priyanka Chopra
Aktrisa 111SKIN yuz niqobiga oshiq. “Men uni har kuni qo‘llayman. Bu makiyajdan oldin foydalanadigan birinchi narsa”.
Emili Ratakovski
“Men terimning namlanishini istasam, kechasi Aquaphor kremini surtaman. Bu terini tarang va elastik qiladi. Ushbu mahsulot sayohat paytida, albatta, bo‘lishi shart”, — deydi Emili.
Mavzuga doir:
Izoh (0)